Gradam Gnó le Gaeilge - Fógartha
Tá Gnó Mhaigh Eo i gcomhpháirtíocht lenár n-urraitheoirí ag seoladh comórtas do ghnólachtaí ar fud Mhaigh Eo.
Is é Gradam Gnó le Gaeilge an t-ainm atá air agus tá sé oscailte do ghnólachtaí a úsáideann an Ghaeilge ina ngnó. An bhfuil aithne agat ar aon ghnó inár féidir seirbhís a fháil trí Ghaeilge? Gnó ina labhraíonn an foireann Gaeilge leat? An bhfuil tú ar an eolas faoi ghnó a úsáideann comharthaíocht Gaeilge? Gnó a bhfuil cártaí gnó acu i nGaeilge? An bhfuil tú ar an eolas faoi aon ghnó a úsáideann an Ghaeilge ina gcuid brandáil, ar a suíomh idirlín mar shampla?
Nó an bhfuil gnó agat féin? An mbaineann tú úsáid as an nGaeilge ar chór ar bith i do ghnó? Sa chomharthaíocht atá in úsáid agat mar shampla? An bhfuil aon chuid de do shuíomh idirlín i nGaeilge? An bhfuil duine ar bith ar d’fhoireann atá in ann an Ghaeilge a labhairt? An bhfuil aon táirgí Gaeilge á dhíol agat, leabhair, cluichí srl? Is féidir leat do ghnó féin nó gnó eile a ainmniú don ghradam seo. (click for full article) Buaiteoirí fógartha don Labhair Gaeilge Liom Tóraíocht Taisce i gCathair na Mart
Tá áthas ar Gnó Mhaigh Eo a fhógairt gurbh iad Leah Moore, (Cathair na Mart) Amber Farrell, (An Mhala Raithní) Alanna Sheridan, (Cathair na Mart) Niamh Madden, (Cathair na Mart) Rosa Kinsella (Cathair na Mart) agus Michael Moore (Cathair na Mart) a bhuaigh duaiseanna sa “Labhair Gaeilge Liom” Tóraíocht Taisce a bhí eagraithe againn do Shop n’ Spraoi na Nollag. (click for full article) Bronntanas na Teanga
An bhfuil Liosta na Nollag á scríobh agat? Ar smaoinigh tú ar Bhronntanas na Teanga a thabhairt dod’ chlann agus cairde an Nollaig seo? Is iomaí bréagán, leabhar agus bronntanas atá ar fáil i n Gaeilge le ceannach. Tá réimse leathan le roghnú ó Bábóg Baby - an béirín a labhraíonn Gaeilge, Scrabble as Gaeilge, eadaí le Gaeilge clóbhuailte orthu, féilirí, cártaí beannachta le Gaeilge, cúisíní le téacs Gaeilge orthu agus níos mó. (click for full article) Fuinneog na Nollag - Buaiteoirí Fógartha
Ba mhaith le Gnó Mhaigh Eo comhghairdeas a ghabhail leis na gnólachtaí uile as páirt a ghlacadh i gcomórtas Fuinneog na Nollag mar chuid de cheiliúradh na Nollag i mbliana.
Le cur isteach ar an gcomórtas seo, iarradh ar na gnólachtaí a gcuid fuinneoga a mhaisiú le téama na Nollag orthu ag úsáid an méid Gaeilge is féidir leo. Bhíomar an sásta leis an iarracht agus méid na n-iontrálacha.
Is iad seo a leanas torthaí an chomórtais: (click for full article) Folúntas: Riarthóir Oifige - Scéim Fostaíochta Pobail FÁS
Tá Riarthóir Oifige á lorg ag Gnó Mhaigh Eo ar Scéim Fostaíochta Pobail de chuid FÁS. Beidh an té a cheapfar ina c(h)ainteoir líofa Gaeilge agus lonnaithe i gCathair na Mart, Co. Mhaigh Eo. Is í an aidhm atá ag Gnó Mhaigh Eo ná tacaíocht agus spreagadh a thabhairt don earnáil ghnó an Ghaeilge a úsáid ina gcuid gnó. Is fostóir comhionannais deise é Gnó Mhaigh Eo agus is í an Ghaeilge an teanga oibre.
Is iad príomhdhualgais an Riarthóra Oifige ná cúraimí laethúla na hoifige a riaradh faoi threoir an Stiúrthóra; tacaíocht a thabhairt don fhoireann ag cur tionscadail agus imeachtaí ar bun.
(click for full article) Cuir do Ghnó On Show ar Lá Fhéile Pádraig Comórtas don Flóta is Fearr
Is údar mórtais do Ghnó Mhaigh Eo agus Mid West Radio comórtas flóta dátheangach Lá Pádraig na bliana seo Cuir do Ghnó on Show a fhógairt mar chuid den tionscnamh An Flóta is Fearr. Is seans breise é an comórtas seo do ghrúpaí a bheidh ag glacadh páirte sa pharáid áitiúil Lá Fhéile Pádraig duais luach €250 a bhuachan as úsáid cruthaitheach na Gaeilge ina bhflóta agus iad ag cur a ngnó féin i láthair an tslua ag an am céanna. (click for full article)
|
|
|
|
Seoladh Oifigiúil 'Gnó Mhaigh Eo'
Oireachtas na Samhna 2007
Gaeilge i Maigh Eo
Éistí Péiste
Lá Fhéile Pádraig 2009
Cupán Eolais
|
098 26555 